𝐒𝐭𝐚𝐥𝐥𝐢𝐨𝐧𝐬 𝐧𝐚𝐠-𝐮𝐰𝐢 𝐧𝐠 𝐤𝐚𝐫𝐚𝐧𝐠𝐚𝐥𝐚𝐧 𝐬𝐚 𝟒𝐭𝐡 𝐘𝐉𝐏𝐅𝐂
Tarlac City— Nagwagi ng iba’t ibang parangal ang The Gleaner, opisyal na pahayagang pangmag-aaral ng Republic Central Colleges (RCC), sa 4th Young Journalists Press Freedom Conference (YJPFC) na idinaos sa Tarlac State University–Lucinda Campus nitong ika-29 ng Agosto.
Nakamit ng publikasyon ang ikatlong puwesto sa pangkalahatang ranggo ng A-LIST Mobile Journalism Video contest.
Nakuha rin nito ang ikaapat na puwesto sa Best in Sports, ikapito sa Best in Opinion, at ikasiyam sa parehong Best in News/Reports at Best in Editorial para sa A-LIST E-Magazine.
Nagwagi rin ang mga indibidwal na kalahok mula RCC.
Si Russel Guntang ay nagtamo ng ikatlong puwesto sa Best Literary Graphics Entry, habang si Renzford Allen D. Esguerra ay ikapito sa Best Sports Entry. Si Frincess Marystel L. Dayrit ay ika-walo sa Best Feature Entry, at sina Robb Gabriel I. Basco, Kelly Satchel E. Valerio, at Jan Rei C. Halili ay ikasiyam sa Best News Photos Entry.
Lumahok din sa iba’t ibang kategorya sina Basco (Best News, Literary, Editorial, at Infographics), Rhandell Jun C. Alfonso (Best Opinion at Journalistic Position Paper Writing–Filipino), Halili (Best Development Communication), Joshua D. Lazatin (Best Comics Illustration), Deniel D. Datu (Journalistic Position Paper Writing–English), at Clouie D. Lazatin (Literary Art Painting).
Ang kumperensya ay inorganisa ng Association of Tertiary School Paper Advisers of Region III Inc. (ATSPAR III Inc.) at Young Journalists Association of Region III (YJAR III). Layunin nitong palakasin ang kasanayan ng mga estudyanteng mamamahayag at tagapayo sa Gitnang Luzon, gayundin ang pagsusulong ng malayang pamamahayag.
– – – – – – – – – –
Ulat ni Rhandell Jun Alfonso
